Özbəkistan Prezidenti: Trans-Xəzər Beynəlxalq Nəqliyyat Marşrutunun genişləndirilməsi vacib məsələdir
Bakı, 4 aprel, AZƏRTAC
Ölkələr və biznes üçün olduqca əhəmiyyətli olan Trans-Xəzər Beynəlxalq Nəqliyyat Marşrutunun genişləndirilməsi və yükaşırma qabiliyyətinin artırılması vacib məsələdir.
AZƏRTAC xəbər verir ki, bu sözləri Özbəkistan Prezidenti Şavkat Mirziyoyev Səmərqənddə keçirilən “Mərkəzi Asiya-Avropa İttifaqı” forumunda çıxışı zamanı deyib.
O bildirib ki, Özbəkistanın təbii resurslarının dünya bazarlarına çıxarılması üçün tranzit nəqliyyat marşrutları lazımdır. Yüklərin Avropaya və əks istiqamətə daşınması üçün Trans-Xəzər Beynəlxalq Nəqliyyat Marşrutunun genişləndirilməsi ticarət əlaqələrinin inkişafı üçün vacib məsələlərdən biridir.
Qeyd etmək lazımdır ki, sammitdə Mərkəzi Asiya respublikalarının prezidentləri ilə yanaşı, BMT-nin, Avropa İttifaqının nümayəndələri də iştirak edirlər.
Sammit öz işini aprelin 5-də yekunlaşdıracaq.
Bölmənin digər xəbərləri
