Ozodbek Nazarbekov: Füzulidə tikilən məktəb Özbəkistanın Azərbaycana olan qardaşlıq münasibətinin göstəricisidir
Bakı, 2 avqust, AZƏRTAC
Özbəkistan Respublikası Prezidentinin Sərəncamı ilə Azərbaycanın Füzuli rayonunda müasir məktəb inşası həyata keçirilir. Məktəbin inşası yaxın zamanlarda başa çatacaq və Özbəkistan Prezidenti Şavkat Mirziyoyevin Azərbaycana səfəri çərçivəsində məktəbin açılış mərasimi keçiriləcək.
AZƏRTAC xəbər verir ki, bu sözləri jurnalistlərə müsahibəsində Özbəkistanın mədəniyyət naziri Ozodbek Nazarbekov deyib.
Nazirin sözlərinə görə, bu məktəbin tikintisi Özbəkistan dövlətinin Azərbaycana bir dəstəyi kimi qəbul olunur. “Ümid edirik ki, məktəbin şagirdləri bizim ölkələrin dostluğunda xüsusi rol oynayacaqlar. Məktəbin inşası Özbəkistanın Azərbaycana olan dostluq, qardaşlıq münasibətinin göstəricisidir”,- deyə O.Nazarbekov bildirib.
Bölmənin digər xəbərləri
