Pakistanlı alim: Qarabağ Universitetində keçirilən VII ADA Siyasi Forumu möhtəşəm oldu
Xankəndi, 8 aprel, AZƏRTAC
Mən Pakistandan gəlmişəm. Qarabağ Universitetində keçirilən VII ADA Siyasi Forumu möhtəşəm oldu. Burada bir çox ölkədən siyasi liderlər, mütəxəssislər, alimlər və digər qonaqlar bir araya gələrək dünyanın geosiyasi gələcəyini müzakirə etdilər.
Bu sözləri AZƏRTAC-a müsahibəsində Pakistanın Qərbi Kaspi Universitetinin Beynəlxalq münasibətlər üzrə tədqiqatçısı, alim Şeraz Mahmud Xan aprelin 8-də Qarabağ Universitetində keçirilən VII ADA Siyasi Forumu çərçivəsində deyib.
Forumda çox faydalı müzakirələrin aparıldığını qeyd edən Şeraz Mahmud Xan bildirib ki, kiçik ölkələrin qurduğu qarşılıqlı əlaqələr və bu ölkələrin öz iqtisadiyyatlarını necə daha da şaxələndirilməsi ətrafında fikir mübadiləsi aparıldı.
“Azərbaycan bir sıra Avropa ölkəsi üçün enerji təminatçısına çevrilib. Bildiyiniz kimi, Pakistan Baş naziri və Azərbaycan Prezidenti İlham Əliyev bu yaxınlarda görüşüblər. Bu görüşdə bir sıra rəsmi sənədlər imzalandı. Düşünürəm ki, sülh istiqamətində atılan addımlar, Azərbaycan tərəfindən aparılan quruculuq işləri təqdirəlayiqdir. Fikrimcə, regionda bir çox geosiyasi dəyişikliklər baş verəcək”, - deyə Şeraz Mahmud Xan vurğulayıb.
Bölmənin digər xəbərləri
