Qahirə ənənəvi beynəlxalq kitab sərgisinə ev sahibliyinə hazırlaşır
Qahirə, 2 dekabr, AZƏRTAC
Gələn il yanvarın 23-dən fevralın 5-dək Misirin paytaxtı Qahirə şəhərində 56-cı ənənəvi beynəlxalq kitab sərgisi keçiriləcək.
AZƏRTAC sərginin saytına istinadla xəbər verir ki, Oman Sultanlığı gələn il tədbirdə fəxri qonaq qismində çıxış edəcək. Misirli alim Əhməd Mustəcir sərginin və yazıçı Fatimə əl-Mədul isə uşaq kitabları sərgisinin simaları seçiliblər.
Qeyd edək ki, 1969-cu ildən keçirilən Qahirə sərgisi Yaxın Şərqin ən böyük kitab sərgilərindəndir. Frankfurt sərgisindən sonra 2006-cı ildə dünyada ən böyük ikinci kitab sərgisi hesab edilib. Ötən il sərgini 5 milyona yaxın insan ziyarət edib.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
