“Qarabağ” – “Ludaqorets” oyunu üçün satılan biletlərin sayı açıqlanıb
Bakı, 6 avqust, AZƏRTAC
“Qarabağ”ın UEFA Çempionlar Liqasının III təsnifat mərhələsində Bolqarıstanın “Ludaqorets” komandası ilə Bakıda keçirəcəyi ilk oyun üçün satılan biletlərin sayı açıqlanıb.
Ağdam təmsilçisinin mətbuat xidmətindən AZƏRTAC-a verilən məlumata görə, artıq 25500 azarkeş bilet əldə edib.
Məhdud sayda olan biletləri “Iticket.az”ın satış məntəqələrindən, “Qarabağ”ın Park Bulvardakı fan-şopundan, Tofiq Bəhramov adına Respublika stadionunun kassalarından əldə etmək mümkündür.
Qeyd edək ki, komandalar arasında baş tutacaq qarşılaşmanın start fiti 20:00-da səslənəcək. Cavab oyunu isə avqustun 13-də səfərdə təşkil olunacaq.
Bölmənin digər xəbərləri
