“QARABAĞ” FUTBOL KLUBU BƏYANAT YAYMIŞDIR
Bəyanatda deyilir ki, “AFFA rəhbərliyi ilə klub rəsmiləri arasında keçirilmiş görüşdə hakimlərin qonorarlarının artırılması təklif olunmuşdu. Bu işdə klubların yaxından iştirak edəcəyi də bildirilmişdir. Bunu əsas tutan “Qarabağ” klubu ölkədə futbolun inkişafı və hakimlərin görüşləri daha diqqətli, qərəzsiz idarə etmələri üçün onların maddi ehtiyacının ödənilməsi məqsədi ilə 45 milyon manat məbləğində vəsait ayırmışdır. Lakin bəzi şəxslər və mətbuat orqanları bunu birmənalı qarşılamır və bu yardımın gələcək oyunlarda hakimlərin “Qarabağ” komandasına “işləməsinə” şərait yaradacağını iddia edirlər.
Bildiririk ki, klub oyunlarda yalnız güclünün qalib gəlməsini, hakimlərin qərəzsiz, müstəqil fəaliyyət göstərməsini istəyir, hər hansı xeyirxah əmələ görə AFFA-nın və komandaların günahlandırılması isə, sadəcə olaraq, Azərbaycanda futbolun inkişafını görməməkdir.
Bölmənin digər xəbərləri
