“Qarabağ”ın futbolçusu Abdullah Zubir Azərbaycan Premyer Liqasında 20-ci qolunu vurub
Bakı, 4 oktyabr, AZƏRTAC
“Qarabağ”ın futbolçusu Abdullah Zubir Azərbaycan Premyer Liqasında 20-ci qolunu vurub. O, VI turun “Qəbələ” ilə görüşündə (2:0) fərqlənib.
AZƏRTAC xəbər verir ki, 30 yaşlı fransalı yarımmüdafiəçinin yubiley qolu 73-cü matçına təsadüf edib. Onun orta məhsuldarlığı 0,27-yə bərabərdir.
Zubir 2018/2019-cu il mövsümündə 6, 2019/2020-ci il mövsümündə 5, 2020/2021-ci il mövsümündə 7, cari çempionatda isə 2 dəfə qol sevinci yaşayıb.
Qeyd edək ki, Zubir ilk qolunu da “Qəbələ”yə vurub. O, 2018-ci il sentyabrın 23-dəki ev oyununda (4:1) dubla imza atıb.
Bölmənin digər xəbərləri
