Qətərin “Əl-Meera” marketlər şəbəkəsi Fransa məhsullarını satmaqdan imtina edib
Tehran, 25 oktyabr, AZƏRTAC
Qətərdə fəaliyyət göstərən “Əl-Meera” marketlər şəbəkəsi Fransa istehsalı olan məhsulları boykot edərək onları satmaqdan imtina edib.
AZƏRTAC “Əl-Meera”nın “Twitter” hesabında paylaşdığı açıqlamaya istinadla xəbər verir ki, marketlər şəbəkəsinin bu qərarına səbəb Fransada Məhəmməd Peyğəmbərin karikaturasının yayılması, rəsmi şəxslərin isə bunu söz, fikir və vicdan azadlığı adlandırmasıdır.
Qeyd olunub ki, “Əl-Meera” xalqın maraqlarına, adət-ənənələrə, inanca və müqəddəslərə böyük hörmətlə yanaşaraq xidmət göstərir. Bu kimi hərəkətlər söz və vicdan azadlığı deyil, təfriqə yaratmaqdan ibarətdir.
Marketlər şəbəkəsi Qətər ərazisindəki bütün mağazalarında Fransa məhsulları yığışdırıb.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
