Qida Təhlükəsizliyi İnstitutu tərəfindən sahibkarlıq subyektlərinə növbəti təlim keçirilib
Bakı, 25 may, AZƏRTAC
Qida Təhlükəsizliyi İnstitutu tərəfindən ölkəmizdə qida təhlükəsizliyinin təmin edilməsi, bu sahədə fəaliyyət göstərən sahibkarlıq subyektlərinin mövcud qanunvericiliyin və beynəlxalq standartların tələblərinə uyğun fəaliyyətinin təşkili məqsədilə mütəmadi təlimlər keçirilir.
İnstitutun İctimaiyyətlə əlaqələr və maarifləndirmə departamentindən AZƏRTAC-a verilən məlumata görə, növbəti təlim Qida Təhlükəsizliyi İnstitutunun mütəxəssisləri tərəfindən “Bazarstore” MMC və “Al market” MMC-nin əməkdaşlarına “HACCP prinsipləri əsasında qida təhlükəsizliyinin təmin edilməsi” mövzusunda keçirilib.
Təlimdə iştirakçıların sualları cavablandırılıb və onlara sertifikatlar təqdim edilib.
Bölmənin digər xəbərləri
