Qoruq ərazisində çətənə əkən şəxs yaxalanmışdır
Bakı, 16 may (AZƏRTAC). Zaqatala Dövlət Təbiət Qoruğunun ərazisində mühafizə rejimini yoxlamaq məqsədi ilə reyd keçirilmişdir. Reyd Ekologiya və Təbii Sərvətlər Nazirliyinin Zaqatala Dövlət Təbiət Qoruğunun əməkdaşları tərəfindən aparılmışdır.
Nazirliyin mətbuat xidmətindən AZƏRTAC-a bildirmişlər ki, qoruğun kol-kosdan təmizlənmiş 0,1 hektar ərazisində Balakən rayonu Gərəkli kənd sakini Cavid Dibirov tərəfindən narkotik xassəli 256 çətənə (kannabaşı) kolunun əkilib-becərilməsi aşkar olunmuşdur.
Faktla bağlı Balakən Rayon Polis Şöbəsinə məlumat verilmiş, çətənə kolları polis əməkdaşlarının iştirakı ilə qoruq ərazisindən çıxarılaraq məhv edilmişdir.
Hadisə yerində saxlanılmış C.Dibirov isə rayon polis şöbəsinə təhvil verilmişdir.
Bölmənin digər xəbərləri
