Regionlarda ekoloji marşrutların hazırlanması məsələləri müzakirə olunub
Bakı, 12 iyul, AZƏRTAC
Azərbaycan Turizm Assosiasiyasında (AZTA) Ekologiya və Təbii Sərvətlər Nazirliyinin Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin direktoru Hikmət Əlizadə və AZTA-nın Gəlmə turizm komitəsi və daxili turizm komissiyası arasında görüş keçirilib.
AZTA-dan AZƏRTAC-a bildirilib ki, görüşdə ölkəmizin geniş turizm potensialı olan regionlarda ekoloji marşrutların hazırlanması və onların birgə inkişafı məsələləri müzakirə olunub.
Tərəflər mövcud vəziyyəti və inkişaf perspektivlərini nəzərə alaraq, bu sahədə gələcək fəaliyyətin prioritet istiqamətlərini müəyyən edib və birgə fəaliyyət haqqında qərara gəliblər.
Bölmənin digər xəbərləri
