Bakı, 26 sentyabr, AZƏRTAC

Gələn il üçün qəbul olunacaq maliyyə büdcəsində spinal muskular atrofiya (SMA) xəstəliyi ilə mübarizəyə maliyyə ayrılmasına nail olmağı hədəfləyirik.

AZƏRTAC xəbər verir ki, bunu Milli Məclisin Səhiyyə komitəsinin üzvü, həkim-kardioloq Rəşad Mahmudov deyib.

"Dünyada uşaqlarda nadir rast gəlinən genetik xəstəliklərlə mübarizə ölkələr üçün prioritet bir sahəyə çevrilib. Belə xəstəliklərdən biri olan SMA ailələrə ciddi şəkildə problemlər yaradır. Həmin xəstəliyin zamanında diaqnozunun qoyulmaması və dərman preparatlarının qəbul edilməməsi vəziyyəti daha da ağırlaşdırır. Milli Məclis belə məsələləri daim diqqətdə saxlayır.

Deputat hesab edir ki, gələn il üçün qəbul olunacaq maliyyə büdcəsində SMA xəstəliyi ilə mübarizəyə maliyyənin ayrılması bu xəstəliklə mübarizədə uğurun əldə olunmasına səbəb olacaq.