RİTM proqramı turizm üzrə kiçik və orta sahibkarların dəstəklənməsi istiqamətində fəaliyyət göstərəcək
Bakı, 1 iyul, AZƏRTAC
“Regional İnnovativ Turizm Məhsulu” (“RİTM”) regional sahibkarlıq proqramı olaraq turizm sahəsi üzrə investorları və İT mütəxəssislərini cəlb etməklə innovativ startaplara təkan verilməsi, yerli əhalinin sahibkarlıq sahəsində potensialının inkişaf etdirilməsi, eləcə də turizm üzrə fəaliyyət göstərən kiçik və orta sahibkarların dəstəklənməsi istiqamətində fəaliyyət göstərəcək.
AZƏRTAC xəbər verir ki, bu sözləri iyulun 1-də “Four Seasons” hotelində “Regional İnnovativ Turizm Məhsulu” (RİTM) sahibkarlıq proqramının təqdimat mərasimində Dövlət Turizm Agentliyinin sədri Fuad Nağıyev deyib.
Fuad Nağıyev layihənin startap proqramının bölgələrimizdə xidmət keyfiyyətinin yüksəldilməsinə, turizm məhsullarının sayının və çeşidinin artmasına, həmçinin dayanıqlı turizmin inkişafına töhfə verəcəyini bildirib. Qeyd edib ki, regional turizmin inkişafı məşğulluğun artmasına və turizmyönümlü yeni sahibkarlıq subyektlərinin yaranmasına təkan verəcək əsas amillərdən biridir.
Bölmənin digər xəbərləri
