Rumıniyalı nazir: Enerji təhlükəsizliyimiz təmin edilməlidir
Bakı, 4 aprel, AZƏRTAC
Enerji təhlükəsizliyimiz təmin edilməli, qiymətlər əlçatan, həmçinin rəqabətcil olmalıdır.
AZƏRTAC xəbər verir ki, bunu Rumıniyanın energetika naziri Sebastian-İoan Burduja Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı deyib.
“Bunlar bizim prioritetlərimizdir. Həmçinin bizə gələcəkdə komanda işi lazım olacaq. Biz Azərbaycan, Gürcüstan, Macarıstan, Bolqarıstan, Türkiyə ilə əməkdaşlıqdan qürur hissi duyuruq və birlikdə işləyirik. Qətiyyət çox önəmlidir, çünki enerjinin çatdırılması, onun nəqli uzun vaxt və böyük sərmayələr tələb edir. Bu səylər göstərilmədən nəticə mümkün deyil. Bilirik ki, biz öz imkanlarımızdan istifadə etməliyik. Dünyadakı mövcud vəziyyət məhz bunu diktə edir”, - deyə rumıniyalı nazir diqqətə çatdırıb.
Bölmənin digər xəbərləri
