RUSİYA FEDERASİYA ŞURASI PREZİDENTƏ TERRORÇULARLA XARİCDƏ DƏ MÜBARİZƏ APARMAĞA İCAZƏ VERDİ
Qanunda deyilir ki, dövlət başçısı planlaşdırılan əməliyyat haqqında Federasiya Şurasına məlumat verəcək və bu məlumatda əməliyyatda iştirak edəcək bölmələrin ümumi sayını, onun keçirildiyi regionu və müddəti göstərməyəcəkdir.
Bundan başqa, “Terrorizmə müqavimət göstərilməsi haqqında”, “Federal Təhlükəsizlik Xidməti haqqında”, “Kütləvi informasiya vasitələri haqqında”, “Cinayət yolu ilə alınmış gəlirlərin leqallaşdırılmasına (yuyulmasına) və terrorizmin maliyyələşdirilməsinə müqavimət göstərilməsi haqqında” qanunlara, habelə Rusiya Cinayət və Cinayət-Prosessual Məcəllələrinə də düzəlişlər edilmişdir.
Qanun layihəsində əmlakın müsadirəsi təsisatının bərpası da nəzərdə tutulur. Terrorçuluq fəaliyyətində iştirak etmiş və xüsusi ağır cinayətlərə görə mühakimə olunmuş şəxslərin əmlakı əlindən alınacaqdır.
KİV-lərin əks-terror əməliyyatı aparılan zonalarda fəaliyyəti üçün məhdudiyyət qoyulur. İndi jurnalistlər onun gedişi barədə bütün informasiyanı əməliyyatın rəhbərindən alacaqlar.
Bölmənin digər xəbərləri
