Rusiya Türkiyə ilə aviasiya əlaqəsini bərpa edir
Moskva, 18 iyun, AZƏRTAC
Rusiya Türkiyə ilə aviasiya əlaqəsini bərpa etməyi qərara alıb.
AZƏRTAC xəbər verir ki, bu barədə Rusiya hökuməti sədrinin müavini Tatyana Qolikova məlumat verib.
Onun sözlərinə görə, Rusiya iyunun 22-dən Türkiyə ilə aviasiya əlaqəsini bərpa edəcək. Bundan başqa, baş nazirin müavini iyunun 28-dən Azərbaycan, Avstriya, Yunanıstan, Qatar, İordaniya və digər ölkələrə reyslərin sayının artırılacağı, eləcə də ABŞ, Belçika, İtaliya, Bolqarıstan, İordaniya, İrlandiyaya reyslərin açılacağını bildirib.
Rusiyalı mütəxəssislərdən ibarət təftiş qrupunun Türkiyəyə səfərinin başa çatdığını qeyd edən T.Qolikova, türkiyəli həmkarların pandemiya şəraitində xidmətə dair təlimat hazırladıqlarını vurğulayıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
