DÜNYA
Rustem Umerov: Ukrayna Qərb tərəfdaşlarından yeni yardım paketi alacaq
![Rustem Umerov: Ukrayna Qərb tərəfdaşlarından yeni yardım paketi alacaq](/files/2024/1/1200x630/17109027334986733923_1200x630.jpg)
Kiyev, 20 mart, AZƏRTAC
Ukraynanın müdafiəsi üzrə təmas qrupunun “Ramştayn” formatının yubiley iclasında sursat, hava hücumundan müdafiə sistemləri, F-16 qırıcıları və pilotsuz təyyarələr prioritet mövzular olub.
AZƏRTAC xəbər verir ki, bu barədə Ukraynanın müdafiə naziri Rustem Umerov məlumat verib.
Nazirin sözlərinə görə, Ukrayna nümayəndə heyəti 2024-cü il üçün planı təqdim edib, Ukrayna Müdafiə Qüvvələrinin kritik ehtiyaclarını dilə gətirib və istehkamların inşasında son nailiyyətləri təqdim edib.
“Ramştayn” formatında keçirilən 20-ci görüşdə tərəfdaş ölkələrin koalisiyası Ukraynaya yardımda birlik və fəallıq nümayiş etdirdi”, - deyə Umerov qeyd edib.
Nazir vurğulayıb ki, Ukrayna yaxın iki həftə ərzində Qərb tərəfdaşlarından qoşunlarımıza uyğun olacaq yeni yardım paketi alacaq.
"Diqqət artilleriya, hava hücumundan müdafiə, raketlərə olan ehtiyacımızla bağlı hər şey idi, biz bu yardımı aldıq və nəticə ilə gedirik. Ümid edirəm ki, yaxın vaxtlarda, 15 günə qədər göndərilməyə başlanacaq. Kifayət qədər artilleriya olacaq. İlk addım üçün biz hasilatı artırmağı planlaşdırırıq, ona görə də qoşunlarımıza uyğun paketlə gedirik”, deyə Umerov bildirib.
Emil Hüseynli
AZƏRTAC-ın xüsusi müxbiri
Kiyev