Tarix Muzeyinin əməkdaşı beynəlxalq konfransda çıxış edib
Bakı, 18 iyun, AZƏRTAC
AMEA və Türkiyənin İKSAD təşkilatı tərəfindən “Qarabağ. Sosial və bəşəri elmlərdə modern araşdırmalar” mövzusunda beynəlxalq konfrans keçirilir.
Milli Azərbaycan Tarixi Muzeyindən AZƏRTAC-a bildiriblər ki, tədbirdə bu müəssisənin əməkdaşı Əli Fərhadov “XIX əsrin sonu - XX əsrin əvvəlləri Azərbaycanda xristianlığın tarixindən: Pavel Florenski nümunəsi” mövzusunda məruzə ilə onlayn formatda çıxış edib.
Məruzədə Qarabağ əsilli, yevlaxlı rus ilahiyyatçı filosofu Pavel Florenskinin həyat və yaradıcılığı haqqında məlumat verilib. P.Florenskinin Azərbaycan və İslam tarixinə, xristian məzhəblərinə baxışından bəhs edilib.
Konfrans materiallarının nəşr edilməsi nəzərdə tutulub.
Bölmənin digər xəbərləri
