TKTA Texniki Universitetin əməkdaşları üçün onlayn təlimlər keçirir
Bakı, 25 may, AZƏRTAC
Təhsildə Keyfiyyət Təminatı Agentliyi (TKTA) tərəfindən Azərbaycan Texniki Universitetinin (AzTU) əməkdaşları üçün keçirilən onlayn təlimlər davam edir.
AzTU-dan AZƏRTAC-a bildirilib ki, təlimlər agentliklə universitet arasında imzalanmış təlim xidmətlərinin göstərilməsinə dair müqaviləyə əsasən təşkil olunub. İyunun 20-dək davam edəcək təlimlər strateji idarəetmədə keyfiyyət təminatı, daxili keyfiyyət təminatı və xarici keyfiyyət təminatı istiqamətlərində müxtəlif mövzularda keçiriləcək.
Təlimçi beynəlxalq təcrübəyə malik mütəxəssis, TKTA-nın Təlim və metodologiya şöbəsinin müdiri Asiman İlyasovdur.
Bölmənin digər xəbərləri
