Tovuzda Xocalı soyqırımının 19-cu ildönümü ilə bağlı silsilə tədbirlər keçirilir
Tovuz, 26 fevral (AZƏRTAC). Tovuz xalq teatrının aktyorları rayon mədəniyyət evində Xocalı soyqırımına həsr olunmuş «Xocalı faciəsi» adlı ədəbi-bədii kompozisiya göstərmişlər.
Faciənin 19-cu ildönümü ilə bağlı hazırlanmış tədbirlər planına əsasən rayonun idarə, müəssisə və təşkilatlarında, inzibati ərazi dairələrində anma mərasimləri keçirilmişdir. Rayonun mədəniyyət müəssisələrində, ümumtəhsil və orta ixtisas məktəblərində Xocalı soyqırımına həsr olunmuş xatirə gecələri, foto-rəsm sərgiləri təşkil olunmuş, azadlıq uğrunda mübarizəyə həsr olunmuş sənədli və bədii filmlər nümayiş etdirilmişdir.
Fevralın 26-da rayonun bütün təhsil müəssisələrində ilk dərslər Xocalı soyqırımına həsr olunacaqdır.
Bölmənin digər xəbərləri
