TURİZM İNSTİTUTUNUN NƏZDİNDƏ KOLLEC VƏ PEŞƏ MƏKTƏBLƏRİ AÇILACAQDIR
Bakı, 21 sentyabr (AZƏRTAC). Azərbaycan Turizm İnstitutunun (ATİ) nəzdində bu ildən etibarən kollec və peşə məktəblərinin açılması nəzərdə tutulmuşdur.
Mədəniyyət və turizm naziri Əbülfəs Qarayev AZƏRTAC-a bildirmişdir ki, hazırda ölkəmizdə turizm sənayesində böyük bir inkişaf vardır. Bu gün Bakıda dünyanın ən məşhur brendlərinə məxsus yeni beşulduzlu hotellər tikilməkdədir. Onların inşası ilə yeni iş yerlərinin sayı da iki dəfə artacaqdır. Azərbaycan hökuməti Qusarda ən böyük infrastruktur layihəsini həyata keçirir. Hazırda bu rayonun ərazisində inşa edilən qış turizm kompleksi istifadəyə veriləndən sonra burada 5 min nəfər çalışacaqdır. Bu insanlar peşəkar kadrlar olmalıdır. Bu kadrların hazırlanmasında ATİ-nin rolu əvəzedilməzdir.
Bölmənin digər xəbərləri
