Türkiyə ordusu bir həftədə 35 terrorçunu zərərsizləşdirib
Bakı, 20 iyul, AZƏRTAC
Türkiyə Silahlı Qüvvələri bir həftə ərzində ölkə daxilində, həmçinin İraq və Suriyanın şimalında 35 terrorçunu zərərsizləşdirib.
AZƏRTAC xəbər verir ki, bu barədə Türkiyə Silahlı Qüvvələrinin mətbuat müşaviri Deniz Albay Zeki Aktürk mətbuat konfransında deyib. O, həmçinin Türkiyə Ordusunun PKK/KCK-PYD/YPG, FETÖ və İŞİD də daxil olmaqla, hər bir təhdid və təhlükəyə qarşı mübarizə apardığını qeyd edib.
Terror təşkilatlarına qarşı mübarizənin əzmlə davam etdiyini vurğulayan Deniz Albay Zeki Aktürk bu ilin ötən dövründə zərərsizləşdirilən terrorçularının sayının 848-ə çatdığını bildirib.
Onun sözlərinə görə, İraqın şimalında həyata keçirilən “Pençe-Kilit” əməliyyatında zərərsizləşdirilən terrorçuların sayı 573 nəfərə çatıb, 1291 silah, 556 min 498 sursat ələ keçirilib, 2103 mina və partlayıcı məhv edilib, 597 mağara isə yararsız hala gətirilib.
Bölmənin digər xəbərləri
