Türkiyədə kriptovalyuta əməliyyatlarına vergi tətbiq oluna bilər
Bakı, 1 mart, AZƏRTAC
Almaniyanın “Deutsche Welle” nəşrinin türkcə buraxılışında yayılmış məlumata görə, bütün dünyanı öz təsir dairəsinə alan kriptovalyutalar Türkiyədə də böyük maraq doğurur.
AZƏRTAC verir ki, ölkədə kriptovalyuta sərmayəçilərinin sayı isə artıq 1 milyonu keçib və bu valyuta ilə aparılan gündəlik əməliyyat həcmi 1 milyard dollardan çoxdur.
Hökumət başda bitkoin olmaqla valyuta alqı-satqısına vergi qoymağı planlaşdırır. Ancaq mütəxəssislər vergi tətbiqinin hansı formada olacağına dair şərh verərkən diqqəti dünyada qəbul edilmiş vahid qaydanın olmadığına yönəldirlər.
Ekspertlərin rəyincə, kriptovalyuta alqı-satqısına yüksək vergi qoyulması sərmayəçilərin bu bazara böyük marağını xeyli azalda bilər.
Bölmənin digər xəbərləri
