Türkiyəli mütəxəssislər təyyarə qəzası ilə bağlı işləri davam etdirirlər
Ankara, 14 noyabr, AZƏRTAC
Türkiyəli mütəxəssislərindən ibarət qrup Gürcüstanda qəzaya uğramış C-130 hərbi təyyarəsinin qalıqlarını araşdıraraq işləri davam etdirir.
Bu barədə AZƏRTAC-a Türkiyə Milli Müdafiə Nazirliyindən məlumat verilib.
Ankara bundan əvvəl 20 hərbçinin həyatına son qoyan faciənin səbəblərini ətraflı araşdırmaq üçün Gürcüstana 46 ekspertdən ibarət qrupun göndərildiyini elan etmişdi.
Qəza yerindən ekspertlərin hesabatı və “qara qutu”nun deşifrəsinin nəticələri baş verənlər barədə tam təsəvvür yaratmağa imkan verəcək.
Türkiyə hakimiyyəti qəza ilə bağlı yalnız rəsmi strukturların məlumatlarına istinad etməyə çağırış edib.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
