UEFA Avropa Liqasının Bakıda təşkil olunacaq final oyununa hazırlıq davam edir
Bakı, 5 noyabr, AZƏRTAC
2019-cu il mayın 29-da Bakıda təşkil olunacaq futbol üzrə UEFA Avropa Liqasının final oyununa hazırlıq məqsədilə müxtəlif məsələlərin müzakirə edildiyi mütəmadi iclaslar keçirilir.
AZƏRTAC xəbər verir ki, növbəti belə tədbir Bakı Olimpiya Stadionunda təşkil olunub. Final qarşılaşmasının təhlükəsizliyinin təmin olunması ilə bağlı iclasda UEFA nümayəndələri Andreas Şar və Deni Kistenyov, oyunun təşkili üzrə əməliyyat qrupunun üzvləri, Azərbaycan Respublikası Dövlət Təhlükəsizliyi Xidmətinin, Daxili İşlər Nazirliyinin, Xüsusi Dövlət Mühafizə Xidmətinin və Fövqəladə Hallar Nazirliyinin əməkdaşları iştirak ediblər.
Bölmənin digər xəbərləri
