Ukrayna ordusu başqa ölkələrin ərazilərində hərbi əməliyyatlarda iştirak edə biləcək
Kiyev, 17 mart, AZƏRTAC
Prezident Volodimir Zelenski Ukrayna Silahlı Qüvvələrinin bölmələrinin başqa ölkələrə göndərilməsi imkanını nəzərdə tutan qanunu imzalayıb.
AZƏRTAC xəbər verir ki, bu barədə məlumat Ukrayna Ali Radasının saytında yerləşdirilib.
Qanun layihəsinə görə, hərbi vəziyyət dövründə Ukrayna Silahlı Qüvvələrinin hərbi hissələri və bölmələri BMT-nin dövlət qanunlarının 51-ci maddəsinə uyğun olaraq milli təhlükəsizliyi təmin etmək, silahlı təcavüzü dəf etmək və qarşısını almaq, Ukraynanın suverenliyini və ərazi bütövlüyünü qorumaq, özünümüdafiə hüququnu həyata keçirmək üçün xaricə göndərilə bilər.
Qeyd edək ki, qanun Ukrayna Prezidentinin təklifləri nəzərə alınmaqla yenidən işlənib. Bu düzəlişlər Ukrayna Silahlı Qüvvələrinin bölmələrinin xaricə göndərilməsi ilə bağlı qərarların qəbulu prosedurunu aydınlaşdırır, onların dövlətdən kənarda olması prosedurunu təfərrüatlandırır və aktın beynəlxalq hüquq normalarına uyğun olmasını təmin edir.
Kiyev
Bölmənin digər xəbərləri
