UKRAYNA PREZİDENTİ “AVROVİZİYA–2005” MAHNI MÜSABİQƏSİNİN KEÇİRİLMƏSİ HAQQINDA” FƏRMAN İMZALAMIŞDIR

27.05.2004 [19:15]
Çap et
A⁺ A^-

AZƏRTAC-ın Ukrinformdan aldığı xəbər görə, Ukrayna Prezidenti Leonid Kuçma “Avroviziya-2005” mahnı müsabiqəsinin keçirilməsi haqqında” fərman imzalamışdır. Fərman əllinci, yubiley “Avroviziya-2005” mahnı müsabiqəsinin gələn il Ukraynada yüksək səviyyədə təşkil olunmasını təmin etmək məqsədi ilə verilmişdir. Bu mötəbər tədbirin keçirilməsini dövlət başçısı öz şəxsi himayəsinə götürmüşdür. Müsabiqənin hazırlanması və keçirilməsi üçün təşkilat komitəsi yaradılmış, Baş nazir Viktor Yanukoviç onun sədri təyin olunmuşdur.

Fərmana uyğun olaraq, Ukrayna Nazirlər Kabineti və Kiyev şəhər dövlət administrasiyası 2005-ci ilin büdcə layihələrində müvafiq xərcləri nəzərdə tutmalıdırlar.

Xatırladaq ki, “Avroviziya-2005” mahnı festivalının Kiyevdə keçirilməsi ukraynalı müğənni Ruslana Lıjiçkonun bu yaxınlarda İstanbulda başa çatan “Avroviziya-2004” müsabiqəsində qalib gəlməsi ilə bağlıdır.

UKRAYNA PREZİDENTİ “AVROVİZİYA–2005” MAHNI MÜSABİQƏSİNİN KEÇİRİLMƏSİ HAQQINDA” FƏRMAN İMZALAMIŞDIR

MÜƏLLİFLƏ ƏLAQƏ

Bölmənin digər xəbərləri