UKRAYNA TELEKANALLARINDA VERİLİŞLƏRDÖVLƏT DİLİNDƏ YAYIMLANIR
Mərkəzi telekanalların nümayəndələri bildirmişlər ki, Rusiyadan alınan yüksək keyfiyyətli teleməhsullar, məsələn, “Pole çudes” proqramı, RF incəsənət xadimlərinin konsertləri, sovet filmləri, Şən və Hazırcavablar Klubunun verilişləri istisna olmaqla, digər proqramlar efirə Ukrayna dilində gedəcəkdir. Rus dilindəki teleproqramların Ukrayna dilinə çevrilməsi mayın ortalarınadək başa çatmalıdır.
Milli Şura sədrinin müavini Vitali Şevçenko bildirmişdir ki, yeni tələb telekanalların efirə çıxmaq konsepsiyasında köklü dəyişikliklər etməyəcəkdir. O, yenilikdən narazı qalan rusdilli vətəndaşlara (təxminən 14 milyon nəfər) kabel televiziyası şəbəkəsinə qoşulmağı məsləhət görmüşdür.
Bölmənin digər xəbərləri
