Vəkillər Kollegiyasının Rəyasət Heyətinin növbəti iclası keçirilib
Bakı, 20 avqust, AZƏRTAC
Avqustun 20-də Azərbaycan Respublikasının Vəkillər Kollegiyasının (ARVK) Rəyasət Heyətinin növbəti iclası olub.
Kollegiyadan AZƏRTAC-a bildirilib ki, iclası açan ARVK-nın sədri Anar Bağırov Rəyasət Heyətinin cari fəaliyyəti, görülən işlər və qarşıda duran vəzifələr barədə ətraflı məlumat verib.
Sonra iclasın gündəliyinə uyğun olaraq “Vəkil qurumu və ya fərdi qaydada fəaliyyət göstərən vəkil tərəfindən göstərilmiş hüquqi yardım barədə” statistik hesabatın vahid formasına baxılıb və müvafiq qərar qəbul edilib.
İclasın davamında Vəkillərin İntizam Komissiyasının rəylərinə baxılıb və Rəyasət Heyəti tərəfindən yol verdikləri intizam pozuntularına görə 6 vəkilə xəbərdarlıq edilib, 1-nə töhmət verilib, 5-nə irad tutulub. Eyni zamanda, məhkəmənin qanuni qüvvəyə minmiş hökmünə əsasən, 1 vəkilin fəaliyyətinə xitam verilib.
Sonda kollegiyanın fəaliyyəti ilə bağlı digər cari və əhəmiyyətli məsələlər müzakirə olunub, zəruri qərarlar qəbul edilib.
Bölmənin digər xəbərləri
