Vergiödəyiciləri ilə görüşlər keçirilir
Bakı, 7 mart, AZƏRTAC
Vergi sistemində şəffaflığın təmin edilməsi, vergi orqanlarında idarəetmə prinsiplərinin yenidən təşkili və müasir vergi inzibatçılığının formalaşdırılması, vergiödəyiciləri ilə vergi orqanları arasında qarşılıqlı etimadın yüksəldilməsi istiqamətində Vergilər Nazirliyi tərəfindən müəyyən işlər görülüb, əsas hədəflər və gələcək iş fəaliyyətinin istiqamətləri ictimaiyyətə açıqlanıb.
Vergilər Nazirliyinin Media və Kommunikasiya Mərkəzindən AZƏRTAC-a bildiriblər ki, qeyd olunan məsələlərin birbaşa vergi ödəyicilərinə çatdırılması və ərazi vergi orqanlarının əməkdaşlarına müvafiq tapşırıqların verilməsi məqsədilə nazirliyin rəhbər vəzifəli şəxsləri regionlara ezam ediliblər.
Martın 9-dək Vergilər Nazirliyinin bütün ərazi vergi orqanlarında, nazirlik yanında Milli Gəlirlər Departamenti, Bakı şəhəri Lokal Gəlirlər Departamenti və Bakı şəhəri Kiçik Sahibkarlıqla İş Departamentində sahibkarlarla görüşlərin keçirilməsi nəzərdə tutulur.
Bölmənin digər xəbərləri
