Xaçmazda 12 qovaq ağacının kəsilməsi nəticəsində təbiətə 7580 manat məbləğində ziyan dəyib
Bakı, 4 iyun, AZƏRTAC
Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları ətraf mühitin mühafizəsi sahəsində qanunvericiliyin tələblərinə riayət olunmasını yoxlamaq məqsədilə növbəti reyd keçiriblər.
Departamentdən AZƏRTAC-a verilən xəbərə görə, reyd zamanı Xaçmaz rayonunun Ağtala kəndi ərazisində diametri 24-70 santimetr olan yaşköküstə 12 qovaq ağacının kəsildiyi aşkar edilib və təbiətə 7580 manat məbləğində ziyan dəydiyi məlum olub.
Faktla bağlı akt tərtib olunub və qanun pozucusunun müəyyənləşdirilməsi məqsədilə Xaçmaz Rayon Polis Şöbəsinə məktub göndərilib.
Bölmənin digər xəbərləri
