“XƏZƏR–LƏNKƏRAN” ÇEMPİON ADINI QAZANMAQ ƏZMİNDƏDİR
“Xəzər–Lənkəran” komandasının icraçı direktoru Tuyqun Nadirov AZƏRTAC-ın müxbirinə bildirmişdir ki, hazırda çempionatın altı turundan sonra komanda turnir cədvəlinin aşağı pillələrində qərarlaşsa da, bundan sonra oyunçular yalnız qələbə uğrunda oynayacaqlar.
Klub rəsmisi sabiq baş məşqçi Rasim Karanın dönüşü məsələsinə də toxunaraq vurğulamışdır ki, bu, klub rəhbərliyi səviyyəsində müzakirə olunmalıdır. Hazırda Azərbaycanın heç bir klubunda buradakı qədər əlverişli şərait yoxdur, rəhbərlik futbolçulara hər cür qayğı göstərir. Oktyabrın 8-də Şimali Kipr Türk Cümhuriyyətinin “Ülkü yurdu” klubu ilə keçirilməli yoldaşlıq qarşılaşmasının baş tutmamasının səbəbi isə komanda oyunçularının çoxunun milli yığmaya çağırılması ilə əlaqədardır.
Sonda T.Nadirov bildirmişdir ki, klub bu il ölkə çempionu adını qazanmaq əzmindədir.
Bölmənin digər xəbərləri
