XƏZƏR NEFTİ DÜNYA EHTİYATLARININ BEŞDƏ BİRİNİ TƏŞKİL EDƏ BİLƏR

13.01.2004 [23:03]
Çap et
A⁺ A^-

AZƏRTAC-ın müxbirinin verdiyi xəbərə görə, İtaliyanın ENI korporasiyasının sədri Jan Mariya Qros-Pyetro Almatıda keçirilmiş Avrasiya iqtisadi sammitində bildirmişdir ki, Xəzər regionunun neft ehtiyatları 7,8 milyard tondur. Digər mənbələrin məlumatına görə, bu ehtiyatlar 13 milyard tondan 22 milyard tonadəkdir, hətta təqribən 50 milyard ton təşkil edir. Qazaxıstanın rəsmi məlumatında deyilir ki, Xəzərin neft ehtiyatları 27,5 milyard tondur. Qros-Pyetro demişdir: “Əgər proqnozların düzgünlüyü təsdiq olunarsa, yaxın gələcəkdə Xəzər nefti dünya neft ehtiyatlarının beşdə birini təşkil edə bilər, üst-üstə İraqın və Küveytin neft ehtiyatlarından çox olar”.

Neft hasilatı ekspertlərinin əksəriyyəti belə bir faktla razıdır ki, Yaxın Şərq ehtiyatlarının azı 10 faizi Xəzərdə toplanmışdır. Əslində, bütün ehtiyatları ümumilikdə götürdükdə, dünyanın qalan hissəsi Yaxın Şərqdə kəşf edilmiş neft ehtiyatlarının yalnız 53 faizinə malikdir. Lakin proqnozlara əsasən, dünyada neft və qazın 80 faizindən çoxu 2050-ci ilədək Fars körfəzində və Xəzər dənizində çıxarılacaqdır. Fars körfəzi və Xəzər dənizi regionları birlikdə təqribən 800 milyard barrel neft ehtiyatına malikdir. Müqayisə üçün deyək ki, Şimali və Cənubi Amerikanın və Avropanın neft ehtiyatları 160 milyard barreldən azdır.

XƏZƏR NEFTİ DÜNYA EHTİYATLARININ BEŞDƏ BİRİNİ TƏŞKİL EDƏ BİLƏR

MÜƏLLİFLƏ ƏLAQƏ

Bölmənin digər xəbərləri