Xəzər rayonunda 100-dək Eldar şamı ağacının kəsilməsi faktı aşkarlanıb
Bakı, 2 iyul, AZƏRTAC
Ekologiya və Təbii Sərvətlər Nazirliyinin “Qaynar xətt”inə Xəzər rayonunun Ramana qəsəbəsində ağacların kəsilməsi ilə bağlı daxil olan şikayəti Bakı Şəhər Ekologiya və Təbii Sərvətlər Departamentinin əməkdaşları yerində araşdırıblar.
Nazirliyin mətbuat xidmətindən AZƏRTAC-a bildirilib ki, həmin əraziyə keçirilən baxış zamanı oradakı yaşıllıq zolağının hasara alındığı və 100-dək Eldar şamı ağacının kəsildiyi aşkarlanıb.
Qanun pozucuları barədə qanunauyğun tədbirlərin görülməsi, ərazidə olan yaşıllıqların qorunması və hasarın sökülməsi üçün Sabunçu və Xəzər rayon icra hakimiyyətlərinə, Bakı Şəhər Baş Polis İdarəsinə telefonoqramlar göndərilib.
Bölmənin digər xəbərləri
