Xocalı soyqırımı iyiminci əsrin ən böyük faciəsidir
Saatlı, 26 fevral (AZƏRTAC). Saatlı rayon mədəniyyət evində Xocalı soyqırımının on doqquzuncu ildönümünə həsr olnmuş anma mərasimi keçirilmişdir. Tədbir iştirakçıları mədəniyyət evinin foyesində rayon məktəblilərinin Xocalı faciəsinə həsr etdikləri rəsm əsərlərindən ibarət sərgi ilə tanış olmuşlar.
Toplantıda çıxış edən rayon icra hakimiyyətinin başçısı Siraqəddin Cabbarov erməni millətçilərinin keçmiş SSRİ-nin 366-cı motoatıcı alayının köməyi ilə 19 il əvvəl, fevralın 25-dən 26-na keçən gecə Xocalı şəhərində törətdikləri qırğının acı nəticələrindən, dinc əhaliyə amansız divan tutulmasından danışmış, Xocalı soyqırımını iyirminci əsrin ən böyük faciəsi adlandırmışdır.
Rayon icra hakimiyətinin hüquq şöbəsinin müdiri Nurəddin Abdıyev Xocalı soyqımının on doqquzuncu ildönümü ilə bağlı məruzə etmişdir.
Tədbirin sonunda Xocalı faciəsinə həsr olunmuş sənədli film nümayiş etdirilmişdir.
Bölmənin digər xəbərləri
