Yanğın nəticəsində 10 hektardan artıq meşə fondu torpağına ziyan dəyib
Bakı, 24 iyul (AZƏRTAC). İyulun 21-də Lerik rayonunun yüksək dağlıq ərazisindəki bələdiyyə torpağında başlamış, sonradan Lerik Meşə Mühafizəsi və Bərpası Müəssisəsinin Razvandaband meşəbəyliyinin 23A dolayına keçmiş yanğın bu gün saat 12 radələrində tam söndürülüb.
Ekologiya və Təbii Sərvətlər Nazirliyinin (ETSN) mətbuat xidmətindən AZƏRTAC-a bildirilib ki, ilkin hesablamalara görə, 10 hektardan artıq meşə fondu torpağına ziyan dəyib. Yenidən alovlanma təhlükəsi olduğundan bütün ərazi ETSN-in hadisə yerinə cəlb olunmuş əməkdaşları tərəfindən nəzarətdə saxlanılır.
Yanğının başvermə səbəblərinin və dəymiş ziyanın tam həcminin müəyyən olunması məqsədi ilə araşdırma aparılır.
Bölmənin digər xəbərləri
