Yaponiyanın şimalında 4,9 bal gücündə zəlzələ olub
Tokio, 28 mart, AZƏRTAC
Martın 28-də Yaponiyanın şimalında yerləşən Aomori və Hokkaydo prefekturaları rayonunda 4,9 bal gücündə zəlzələ baş verib.
AZƏRTAC Yaponiya Meteorologiya Agentliyinə istinadla xəbər verir ki, sunami xəbərdarlığı elan edilməyib.
Yeraltı təkanların episentrinin Sakit okeanda, Hönşü və Hokkaydo adaları arasında, ocağının isə okean dibinin 60 kilometr dərinliyində olduğu bildirilir.
Dağıntılar və zərərçəkənlər barədə hələlik məlumat verilmir. Yeraltı təkanların Akita və İvate prefekturalarında da hiss edildiyi qeyd edilir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
