Yaxın iki gündə hava dəyişkən buludlu keçəcəkdir
Bakı, 12 oktyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, oktyabrın 13-də Bakıda və Abşeron yarımadasında buludlu hava şəraitinin üstünlük təşkil edəcəyi, gecə və səhər bəzi yerlərdə yağış yağacağı, gündüz isə tədricən kəsiləcəyi gözlənilir. Şimal küləyi əsəcək, gündüz cənub-qərb küləyi ilə əvəz olunacaqdır.
Havanın temperaturu gecə 13-15, gündüz 18-21 dərəcə isti təşkil edəcəkdir. Oktyabrın 14-də dəyişkən buludlu, əsasən yağmursuz hava şəraitinin hökm sürəcəyi, gecə və səhər isə zəif duman olacağı gözlənilir. Şimal-şərq küləyi əsəcəkdir. Havanın temperaturu gecə 13-15, gündüz 18-22 dərəcə isti təşkil edəcəkdir.
Azərbaycanın rayonlarında oktyabrın 13-14-də əsasən gecə və axşam saatlarında yağış yağacağı gözlənilir. Qərb küləyi əsəcək, arabir güclənəcəkdir. Havanın temperaturu gecə 14-17, gündüz 18-22, dağlarda gecə 4-8, gündüz 8-11 dərəcə isti olacaqdır.
Bölmənin digər xəbərləri
