Bakı, 16 avqust, AZƏRTAC

Bu gün futbol üzrə UEFA Avropa Liqasında pley-off mərhələsinə start veriləcək.

AZƏRTAC xəbər verir ki, Avropa Liqasının pley-off mərhələsinin ilk oyunları çərçivəsində 22 qarşılaşma oynanılacaq. İki gün davam edəcək oyunların ilk günündə bir, avqustun 17-də isə 21 matç baş tutacaq.

Qrup mərhələsinə vəsiqələr uğrunda mübarizəyə Hollandiyada start veriləcək. “Utrext” öz meydanında “Zenit”i sınağa çəkəcək. Türkiyə təmsilçisi “Fənərbaxça” da meydana çıxacaq. İstanbul klubu Makedoniyada “Vardar”ın qonağı olacaq.