2003-CÜ İLDƏ GÜRCÜSTAN MƏHKƏMƏLƏRİ 130 MİNDƏN ÇOX İŞƏ BAXMIŞDIR
AZƏRTAC-ın müxbiri Tbilisidən xəbər verir ki, Gürcüstan Ali Məhkəməsinin sədri Lado Çanturiya rəhbərlik etdiyi qurumun ötən ilki fəaliyyətindən danışaraq, diqqəti aşağıdakı rəqəmlərə yönəltmişdir: 2003-cü ildə ölkənin məhkəmə orqanlarında 130 mindən artıq işə baxılmışdır ki, bu da 2002-ci ildəkindən 20 min çoxdur. Bunların 34 mini mülki, 54 mini inzibati, 7.198-i cinayət, 28 mini qətimkan tədbiri görülməsi və istintaq fəaliyyətinə sanksiya verilməsi ilə bağlı olan işlərdir.
2002-ci illə müqayisədə 2003-cü ildə adam öldürülməsinə dair cinayətlərin sayı 6,2 faiz, quldurluq 7,1 faiz, narkomaniya 5,7 faiz, oğurluq 21,5 faiz, saxtakarlıq halları 16,3 faiz artmışdır.
Bölmənin digər xəbərləri
