2025-ci ilin I yarısında dosent elmi adı alanların statistikası açıqlanıb
Bakı, 20 avqust, AZƏRTAC
Azərbaycan Respublikasının Prezidenti yanında Ali Attestasiya Komissiyası (AAK) 2025-ci ilin I yarısında müxtəlif elm sahələri üzrə dosent elmi adı alanların statistikasını açıqlayıb.
AAK-dan AZƏRTAC-a bildirilib ki, 15 elm sahəsi üzrə dosent elmi adı almış iddiaçılara müvafiq attestatlar təqdim olunub.
Riyaziyyat üzrə 3, fizika üzrə 10, kimya üzrə 3, biologiya üzrə 10, aqrar elmlər üzrə 3, texnika elmləri üzrə 8, tibb elmləri üzrə 3, iqtisad elmləri üzrə 14, coğrafiya üzrə 4, tarix üzrə 1, filologiya elmləri üzrə 18, fəlsəfə üzrə 1, pedaqogika üzrə 5, psixologiya üzrə 1, milli təhlükəsizlik və hərbi elmlər üzrə isə 2 iddiaçıya dosent elmi adı verilib.
Bununla yanaşı, riyaziyyat üzrə 1, fizika üzrə 2, kimya üzrə 1, aqrar elmlər üzrə 1, texnika elmləri üzrə 3, tibb elmləri üzrə 1, iqtisad elmləri üzrə 3, tarix üzrə 1, filologiya üzrə 2, pedaqogika üzrə 1 və psixologiya üzrə 1 nəfərə dosent elmi adının verilməsindən imtina edilib.
Bölmənin digər xəbərləri
