20 Yanvar faciəsinin qurbanları müstəqilliyimizin ilk şəhidləridir
Bakı, 21 yanvar (AZƏRTAC). Azərbaycan xalqı mərd xalqdır və 20 Yanvar günü gənclərimiz sovet qoşunlarının qarşısına əliyalın çıxmış və geri çəkilməmişlər.
Bu sözləri 20 Yanvar qurbanlarının məzarlarını ziyarət etmək üçün Şəhidlər xiyabanına gəlmiş İslam Universitetinin tələbəsi, Azərbaycan Tələbə Gənclər Təşkilatları İttifaqının mətbuat katibi Məcid Musayev demişdir.
O, bildirmişdir ki, belə övladları olan xalq əbədi yaşayacaqdır. Mən əminəm ki, ermənilərin işğal etdiyi torpaqlarımızı tezliklə geri alacağıq.
20 Yanvar faciəsinə iki cür qiymət vermək olar. Bu hadisə xalqımızın tarixində həm böyük bir faciə, həm də qəhrəmanlıq salnaməsi kimi yer tutur. Düşünürəm ki, 20 Yanvar Azərbaycanın müstəqilliyinin bünövrəsidir və həmin gün həlak olanlar müstəqilliyimizin ilk şəhidləridir.
Bölmənin digər xəbərləri
