Laçın sakini ata-baba yurdunu ziyarət edib, təəssüratını bölüşüb VİDEO
Bakı, 11 avqust, AZƏRTAC
Laçın rayonunun Bozlu kəndindən məcburi köçkün olan Hüseyn Oruc oğlu Rəfiyev ata-baba yurdunu, anadan olduğu evi ziyarət edib.
AZƏRTAC xəbər verir ki, Qaçqınların və Məcburi Köçkünlərin İşləri üzrə Dövlət Komitəsinin hazırladığı videoçarxda o, səfər təəssüratını bölüşüb, bu yerlərdə aparılan bərpa-quruculuq işlərinə münasibət bildirib.
Tezliklə doğma yurda qayıtmağa hazırlaşan Hüseyn Prezident, Müzəffər Ali Baş Komandan İlham Əliyevə, birinci xanım Mehriban Əliyevaya, torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlığını ifadə edib, Allahdan şəhidlərimizə rəhmət, qazilərimizə şəfa diləyib.
Qeyd edək ki, ərazisi işğaldan azad olunmuş rayonların sakinləri ilə müsahibələr əsasında videoçarxların hazırlanması davam etdirilir.
Bölmənin digər xəbərləri
