300 MİLYON AVRO KOSMOSA SOVRULDU?

29.12.2003 [14:07]
Çap et
A⁺ A^-

AZƏRTAC-ın xəbər verdiyi kimi, dekabrın 25-də Britaniya alimlərinin və Avropa Kosmik Agentliyinin birgə əməkdaşlıq şəraitində hazırlanmış “Biql-2” elmi modulu Mars planetinin səthinə enmişdir. Nəzərdə tutulduğuna görə, bundan dərhal sonra modul Yerə siqnallar göndərməli idi. Lakin aradan üç gün keçməsinə baxmayaraq, ondan hələ də səs-soraq yoxdur.

İngiltərənin Mançester şəhəri yaxınlığında yerləşən Correl Bənk qəsəbəsindəki güclü radioteleskop “Biql-2” modulu ilə rabitə əlaqəsinə girməyə çox çalışsa da, bu, hələlik bir nəticə vermir: Qırmızı planet susmaqda davam edir.

Xatırladaq ki, alimlər istehsalı və kosmosa buraxılması 300 milyon avroya başa gələn “Biql-2” modulunun köməyi ilə onları çoxdan düşündürən suala cavab almaq ümidində idilər: “Marsda həyat əlamətləri varmı?”

300 MİLYON AVRO KOSMOSA SOVRULDU?

MÜƏLLİFLƏ ƏLAQƏ

Bölmənin digər xəbərləri