3x3 basketbol üzrə “Neftçi” komandası Macarıstanın “Dyor” klubu ilə qarşılaşacaq
Bakı, 15 iyul, AZƏRTAC
3x3 basketbol üzrə “Neftçi” komandası Dünya Qadın Seriyasının Kosovonun paytaxtı Priştinadakı mərhələsində bu gün növbəti oyununu keçirəcək.
AZƏRTAC xəbər verir ki, Bakı təmsilçisi dörddəbir finalda Macarıstanın “Dyor” komandası ilə üz-üzə gələcək. Qarşılaşma Bakı vaxtı ilə saat 21:00-da başlayacaq.
Paytaxt klubu D qrupundakı ilk matçda Niderland yığmasını 11:6, daha sonra Kosovo seçməsini 20:9 hesabı ilə məğlub edib. Turnirdə mübarizəni dayandıran Azərbaycan millisi isə ABŞ kollektivinə 3:22, “Dyor”a isə 9:21 hesabı ilə yenilib.
Qeyd edək ki, “Neftçi” daha əvvəl Şuşa və Netanya (İsrail) mərhələlərində qalib olub.
Bölmənin digər xəbərləri
