Deputat Rizvan Nəbiyev: Türkman irsinin qorunması xalqlarımız arasında qardaşlıq münasibətlərini möhkəmləndirir VİDEO
Bakı, 25 iyun, AZƏRTAC
Azərbaycan hərbi, siyasi-diplomatik vasitələrlə ərazi bütövlüyünü, suverenliyini və milli ləyaqətini bərpa etdi. Milli ləyaqətin bərpasından bütün Türk dünyasına, o cümlədən türkman qardaşlarımıza da pay düşür. Bu qalibiyyəti Azərbaycan xalqı ilə yanaşı, bütün Türk dünyası səbirsizliklə gözləyirdi. Biz, həmçinin xalq diplomatiyası vasitəsilə əlaqələrimizin möhkəmləndirilməsi istiqamətində görülən işləri də yüksək qiymətləndiririk. Bu fəaliyyətlər bütün Türk dünyası ilə əlaqələrə fayda verir.
AZƏRTAC xəbər verir ki, bunu Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının üzvü, Milli Məclisin deputatı Rizvan Nəbiyev Bakıda "Körpü” Türkman İrsi Araşdırmaları Mərkəzi İctimai Birliyinin təşkilatçılığı, Azərbaycan Respublikasının QHT Agentliyinin tərəfdaşlığı ilə keçirilən II “Türkman irsi: vətəndaş cəmiyyətlərinin həmrəyliyi” adlı forumda çıxışı zamanı deyib.
O bildirib ki, türk xalqları ilə Azərbaycan arasındakı münasibətlərin inkişafına mühüm töhfələr vermiş görkəmli alimlərin və ziyalıların xidmətləri xüsusi qeyd edilməlidir. Bu sahədə böyük işlər görmüş şəxsiyyətlərin fəaliyyəti xalqlarımız arasında dostluq və qardaşlıq münasibətlərinin möhkəmlənməsinə təkan verib.
Bölmənin digər xəbərləri
