Azərbaycan Dövlət İnformasiya Agentliyi

İDMAN

70 YAŞLI AMERİKALI LA-MANŞI ÜZƏRƏK KEÇMİŞDİR

30.08.2004 [19:58]
Çap et
A⁺ A^-

AZƏRTAC-ın xüsusi müxbiri xəbər verir ki, təqaüddə olan 70 yaşlı amerikalı təyyarəçi Corc Brunstad İngiltərənin Duvr sahilindən üzərək, bir gün sonra Fransanın Sanqat sahilinə çıxmışdır. Amerikalı təyyarəçi buna 15 saat 59 dəqiqə vaxt sərf etmşdir.

La-Manş Üzgüçülük Federasiyasının əməkdaşı Mik Oram bu hadisə ilə bağlı jurnalistlərə verdiyi müsahibəsində təəccübünü gizlətməyərək demişdir: “Hazırda bir kiminsə La-Manşı üzüb keçməsi adi bir haldır. Amma 70 yaşlı bir adamın bu məsafəni qət etməsi inanılmazdır”.

Maraqlıdır ki, Amerika Hava Yolları şirkətinin keçmiş təyyarəçisi bu günə qədər heç vaxt 16 kilometrdən artıq məsafəni üzməmişdir. O, La-Manşı üzüb keçməklə 67 yaşlı avstraliyalı Bertram Kliforun rekordunu arxada qoymuşdur.