SİYASƏT


Senator Mauro Marino: Beynəlxalq ictimaiyyət Azərbaycanı dəstəkləməlidir

Roma, 13 iyun, AZƏRTAC

İtaliyanın “Yaşasın İtaliya” partiyasının üzvü, senator Mauro Mario Marino Kəlbəcərdə mina partlaması nəticəsində azərbaycanlı jurnalistlərin həlak olması ilə bağlı öz sosial media hesabında paylaşım edib.

AZƏRTAC xəbər verir ki, senator öz paylaşımında Dağlıq Qarabağın azad edilməsindən sonra sülh və təhlükəsizliyin təmin edilməsinin mühümlüyünü vurğulayıb. Bildirib ki, bu, mülki əhalinin öz torpaqlarına və normal həyatlarına geri dönə bilməsi məqsədinə xidmət etməlidir.

Senator qeyd edib ki, beynəlxalq ictimaiyyət Azərbaycanı dəstəkləməli və Ermənistan ordusunun Azərbaycan ərazilərində yerləşdirdiyi minaların xəritəsini təhvil verməsini, eləcə də beynəlxalq müqavilələrə əməl olunmasını tələb etməlidir.

Elgün Niftəli

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.