CƏMİYYƏT


Təhsil biznesində uğurlu gənc sahibkarların təcrübəsi

Bakı, 13 oktyabr, AZƏRTAC

Azərbaycanda qeyri-neft sektorunun dinamik və rəqabətqabiliyyətli inkişafında Prezident İlham Əliyevin rəhbərliyi altında həyata keçirilən uğurlu iqtisadi islahatlar nəticəsində bu sahədə potensial imkanlar genişlənib. Son illər ölkə iqtisadiyyatında qeyri-neft sektorunun payı əhəmiyyətli dərəcədə artıb. Cari ilin 6 ayı ərzində qeyri-neft sektoruna sərmayələrin həcmi 21,5 faiz artıb.

Qeyri-neft iqtisadiyyatının, xüsusən özəl sektorun inkişafı üçün dövlət tərəfindən yeni texnologiyaların və ideyaların həyata keçirilməsi dəstəklənir, bu sahədə gənclərin fəallığının artırılmasına xüsusi diqqət yetirilir. Bu məsələdə geniş dövlət dəstəyini nəzərə alaraq, sərmayələrin qoyulması və sahibkarlığın inkişafı üçün münbit şərait yaradılıb, daha çox gənc öz biznesini qurub.

AZƏRTAC xəbər verir ki, sahibkarlıqda uğur qazanmış gənclərin təcrübəsi Azərbaycanda yeni biznes sahələrinin yaradılmasının təbliğində mühüm rol oynayır.

“Stuage” şirkətinin yaradıcıları gənc azərbaycanlı sahibkarlar Mir Mövsüm Dadaşov və Toğrul Mahmudov yüksək rəqabət şəraitində biznesin qurulması üzrə təcrübələrini AZƏRTAC-ın müxbiri ilə bölüşüblər.

Toğrul Mahmudovun sözlərinə görə, bu gün Azərbaycanda həqiqətən xaricdə təhsillə məşğul olan bir çox şirkət var. Buna baxmayaraq, biz bu sahəyə böyük tələbat olduğunu və xaricdə təhsil almaq istəyən insanların daha dolğun məlumata ehtiyac hiss etdiyini gördük. Abituriyentlərə və tələbələrə yüksək keyfiyyətli xidmətlər göstərilməsi imkanı bizə güc verir, faydalı və gəlirli işlə məşğul olmağa imkan yaradır. “Chinar Plaza”da yerləşən “Stuage” şirkətinin əməkdaşları tələbələri düzgün məlumatlandırır və onların keyfiyyətli ali təhsil almaq arzularını reallaşdırır.

Mir Mövsüm Dadaşov qeyd edib ki, bu gün bir çox şirkətlərin dəqiq qiymət siyasəti yoxdur və onlar tamamilə müxtəlif, əsaslandırılmayan qiymətlər təklif edirlər. “Çox vaxt bu, ona gətirib çıxarır ki, tələbələr arzu etdikləri nəticələrə nail ola bilmirlər. Bu şirkətlərdən fərqli olaraq, “Stuage” müştərilərə göstərilən xidmətlər haqqında düzgün məlumat təqdim edərək tamamilə şəffaf fəaliyyət göstərir. Bu, tələbələrimizin akademik sahədə şanslarını artırır”, - deyə o qeyd edib.

M.Dadaşov qeyd edib ki, 2017-ci ildə yaradılan şirkətin əsas vəzifəsi tələbələri düzgün məlumatlandırmaqdır. Şirkət tələbələrə bu məsələdə keyfiyyətli xidmət göstərməklə yanaşı, təlim sahəsində də uğurlar əldə etməyə çalışır.

M.Dadaşovun sözlərinə görə, bəzi şirkətlər tələbələri diplomları Azərbaycan Təhsil Nazirliyi tərəfindən təsdiq olunmayan universitetlərə göndərirlər. “Nəticədə bu tələbələr biliksiz, həqiqi diplomsuz qalır və daimi iş tapa bilmirlər. Bizim əsas məqsədimiz müraciət edən tələbələrin bacarıqlarını yoxlamaq və onların valideynlərinə münasib universitetləri tövsiyə etməkdir”, - deyə o bildirib.

-“Stuage” bu işlə məşğul olan digər şirkətlərdən daha nə ilə fərqlənir?

-“Stuage”, həmçinin xaricdə universitetlərə qəbul olunmuş və təhsil alan tələbələrimizə də yardımlar təklif edir. Şirkət xüsusi xidmət vasitəsilə arzuolunan ixtisaslar üzrə yüksək dərəcəli müəllimlər ilə özəl onlayn dərslər təşkil edir. Əlavə olaraq, tələbələrə kurs işlərini yazmağı asanlaşdırmaq üçün də kömək edirik. Bu, hazırlıq prosesini yüngülləşdirir və müddətini azaldır, həmçinin tələbələrə imkan verir ki, öz biliklərini genişləndirsinlər, kurs və diplom işlərinin yazılması qaydalarını mənimsəsinlər.

M.Dadaşov xaricə təhsil almaq üçün yollanan tələbələrə məsləhət görür ki, onlar qərar qəbul etməkdə tələsməsin və yuxarıda qeyd olunan vacib amilləri nəzərə alsınlar. “Stuage” şirkəti isə tələbələrə və onların valideynlərinə düzgün seçim etməkdə yardım göstərməyə hər zaman hazırdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.