DÜNYA


Vaşinqtonda Çin-ABŞ ticarət danışıqlarının 7-ci mərhələsi başlayıb

Pekin, 22 fevral, AZƏRTAC

Vaşinqtonda Çin ilə ABŞ arasında ticarət mübahisələrinə dair danışıqların 7-ci mərhələsi başlayıb.

AZƏRTAC Çin KİV-lərinə istinadla xəbər verir ki, iki gün davam edəcək danışıqlarda ABŞ tərəfindən ticarət nümayəndəsi Robert Laythayzer və maliyyə naziri Stiven Mnuçinin, Çin tərəfindən isə Dövlət Şurası Sədrinin (Baş nazir) müavini Liu Xının rəhbərliyi ilə nümayəndə heyətləri iştirak edir.

Qeyd edək ki, ötən ilin dekabrında Çin və ABŞ dövlət başçılarının görüşündə ticarət mübahisələrinə dair danışıqların davam etdirilməsi barədə razılıq əldə olunmuşdu. ABŞ tərəfi həmin görüşdən sonra Çin məhsullarına yanvarın 1-dən planlaşdırılan vergi artımını martın 2-nə qədər təxirə saldığını açıqlamışdı. Əgər danışıqlar müsbət nəticə verməsə, Birləşmiş Ştatlar 200 milyard dollar dəyərində Çin məhsullarına 25 faizlik əlavə idxal rüsumları tətbiq edəcək. Güman olunur ki, ABŞ-ın müəyyən etdiyi son gün danışıqların davam etdirilməsi üçün uzadıla bilər.

Tərəflərin fevralın 13-14-də Pekində keçirdikləri sonuncu danışıqlarda yekun nəticə əldə olunmamışdı.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.